Kryeministri Edi Rama gjatë fjalës së tij për gazetarët, pas rikthimit në Shqipëri të 19 grave dhe fëmijëve nga Siria, tha se ka ende persona të mbetur atje, dy prej të cilëve nuk duan të kthehen në atdhe, për shkak se dyshohet se janë peng i njerëzve të tjerë brenda kampit.
Sipas kryeministrit, kampet në Siri janë një vend ferri, për shkak se zona konsiderohet hapësirë lufte, dhe rrezikshmëria është shumë e lartë për jetët e njerëzve.
Rama:
Operacionet e kësaj natyre nuk janë të lehta, pasi nuk janë as kampe pushimi dhe as kampe shtetërore, janë kampe lufte, të sistemuara në mënyrë të improvizuar dhe me autoritete që variojnë.
Në këtë drejtim puna që bëhet është e dyfishtë, me ata që administrojnë kampet, dhe me personat e infiltruar për të mbledhur informacion. Ka njerëz që nuk shfaqen fare, ka njerëz që janë pengje, të gjitha këto e bëjnë operacionin shumë kompleks.
Derimë tani janë shfaqur raste sporadike, dy raste që ne i njohim, nuk mund të jap emra, që kanë refuzuar të kthehen, janë persona që janë pengje brenda kampit, janë persona që nuk shkëputen dot, që kanë frikë. Kanë frikë se gjatë operacionit të shkëputjes mund tiui marrin jetën, janë dy persona që janë identifikuar dhe nuk kanë marrë hapin që të kthehen.
19 gratë dhe fëmijët që janë kthyer sot në atdhe, do të dërgohen në një vend strehimi në Durrës, ku do të trajtohen edhe në aspektin psikologjik, deri në rehabilitimin e plotë të tyre.
Rama tha se identifikimi i shqiptarëve bëhet i vështirë, për shkak se profili i krijuar nga ana er autoriteteve shqiptare është bërë në të dhënat e disa viteve më parë, dhe ata mund të kenë ndryshuar me kalimin e kohës.
Sipas kryeministrit ka shumë vrima të zeza nëpër kampet e Sirisë, dhe për të arritur te shqiptarët, do të duhet të vihen në punë dhe persona të infiltruar.
(E.K/Faxweb.al)
Discussion about this post