Janë gati! ”Fax News”, televizioni më i ri informativ në Shqipëri do të nisë nga transmetimi ditën e sotme dhe hapjen, siç pritet, do ta njoftojë sigla e edicionit qëndror informativ në orën 19:00.
Televizionit i janë bashkuar personazhe shumë të njohur të ekraneve shqiptare. Gazetarë, folës lajmesh, drejtues emisionesh si Rezear Xhaxhiu, Enton Abilekaj dhe Bledian Koka kanë nënshkruar tashmë se do jenë pjesë e këtij bashkëpunimi.
”Fax News”, me drejtor ekzekutiv Enton Abilekaj dhe drejtor informacioni Bledian Kokën, ka firmosur tashmë kontratën edhe me Deni Turhanin. Përveç saj, projektit i janë bashkuar edhe spikeret e njohura Armela Ferko dhe Brikena Prifti si dhe prezantuesja Adela Xhamani. Për dossierin do të kujdeset Fatos Velia, ndërsa ende priten detaje të tjera sporti e investigimi.
Si mund ta shohësh ”Fax News”? Fare lehtë, mjafton të marrësh telekomandën dhe të shkosh në kanalin e pestë nëse je në Analog, ndërsa mund ta shohësh në Digital në TVSH dhe kanalin Numër 4 Full HD në Abcom. Pasi t’u bëni ”Refresh” kanaleve do mund ta ndiqni edhe në çdo dekoder për zonën Tiranë dhe Durrës.
Kuptohet, kushdo që dëshiron ta ndjekë online, mjafton të klikojë www.shuplaka.com.
Cilët do jenë spikerët që do të hapin transmetimin në edicionin qëndror? Burimet e brendshme na e thonë por na porosisin të mos ua themi, duhet të presim orën 19…
(V.G/SHUPLAKA)
https://youtu.be/bpSVnAWXfQc
