“Janë njerëz publik dhe ne i kemi takuar”, ngre alarmin qytetarja tek Rama: E kemi ditur që janë infektuar

Ditën e sotme Ministria e Shëndetësisë konfirmoi dy rastet e para të infektuar me koronavirus në qytetin e Bajram Currit.

Sipas burimeve të infektuarit janë nisur drejt Tiranës dhe janë burrë dhe gruar. Ndërkohë një qytetarë ka telefonuar ditën e sotme kryeministrin Edi Rama, ku i ka shprehur alarmin e saj lidhur me këtë rast.

Qytetarja tha se personat e infektuar janë burrë dhe grua dhe sipas saj prej një jave janë kuruar në Spitalin e Bajram Currit me serume dhe medikamente të tjera, si dhe ka patur kontakte me banorët e tjerë të qytetit.

“Ka një javë shkon në spital, bën serume, ne i njohim të dy dhe u them sa më shpejt të shërohen, se ne këtu në Bajram Curri një grusht jemi, i njohim.

Ata janë njerëz publik. Burri zyrtar e shoqja mësuese, janë njerëz shumë të mirë. Por i kemi takuar. Jo tani e them sepse u bë publik rasti. Unë e kam dit qysh dje”, i tha qytetarja Ramës.