Edhe pse u mendua si një kandidat potencial për postin e Avokatit të Popullit, Altin Goxhaj mbeti jashtë dyerve të këtij institucioni. Me propozimin dhe miratimin e Kuvendit në krye të këtij institucioni është vendosur Erinda Ballanca.
Ndërkaq Goxhaj ka reaguar sot me një padi ndaj Kuvendit dhe Republikës së re pasi sipas tij janë shkelur procedurat ligjore të përzgjedhjes së kreut të këtij institucioni.
REAGIMI I PLOTË I GOXHAJT:
Avokati Altin Goxhaj paraqitet ne Kuvend per te marre dokumentacionin e shkeljes se Ligjit per Zgjedhjen e Avokatit te Popullit ne kundershtim me ligjin per Avokatin e Popullit dhe Kushtetuten per te ngritur padine ne Gjykaten e Administrative per shpalljen te pavlefshme te gjithe procedurave te Zgjedhjes se Avokatit te Popullit!
Kërkesë nr. 1 / 23.05.2017
Drejtuar:
Kuvendit të Republikës së Shqipërisë
Administratës së Kuvendit të Republikës së Shqipërisë
Sekretarisë së Kuvendit të Republikës së Shqipërisë
Sekretarisë së Komisionit për Çështjet Ligjore, Administratën Publike dhe të Drejtat e Njeriut të Kuvendit të Republikës së Shqipërisë
Dërgon:
Av. Altin Goxhaj – Kandidat për Avokatin e Popullit i regjistruar sipas kërkesave të legjislacionit në fuqi
Objekti i kërkesës:
Vënie në dispozicion brenda datës 24 Maj 2017 të listës së dokumentave dhe akteve të nominuara më poshtë.
Baza Ligjore:
Kushtetuta e Republikës së Shqipërisë
Ligji “Për Avokatin e Popullit” Nr.8454, datë 4.2.1999, plotësuar me ligjin nr.8600 datë 10.04.2000, ndryshuar me ligjin nr.9398, datë 12.05.2005, shtuar dhe ndryshuar me ligjin nr.155/2014, datë 27.11.2014
Rregullorja e Kuvendit miratuar me vendimin nr. 166, datë 16.12.2004 e Ndryshuar
Ligj nr. 44/2015 “Kodi i Procedurave Administrative i Republikës së Shqipërisë
Ligji nr. 119/2014 “Për të drejtën e informimit”
Ligji nr. 10279 datë 20/05/2013 “Për kundërvajtjet administrative”
Tiranë më 23.05.2017
Të nderuar Zonja/Zotërinj
Duke qenë se vënia në dispozicion e këtij dokumentacioni të kërkuar në objektin e kësaj kërkese ka rëndësi thelbësore për proçedurat e Zgjedhjes së Avokatit të Popullit si një institucion kushtetues, kërkojmë që të më vihen në dispozicion brenda datës 24 Maj 2017 (duke qenë së dt. 26 Maj 2017 do të paraqes në Gjykatën Administrative një padi për të shpallur të pavlefshme proçedurat e zgjedhjes dhe vetë zgjedhjen në kundërshtim me ligjin të Avokates se Popullit Znj. Erinda Ballanca) këto dokumenta:
1. Çdo vendimi të Komisionit për Çështjet Ligjore, Administratën Publike dhe të Drejtat e Njeriut në lidhje me Avokatin e Popullit, rrëzim apo miratim kandidaturash, proçedurash, shpalljesh, regjistrimesh dhe çdo vendim tjetër që lidhet me kandidimin për Avokat të Popullit, me përjashtim të dokumentacionit para dt 5 Janar 2017 pasi dokumetacioni para këtij afati më është vënë në dispozicion nga ju në bazë të kërkesave të mëparshme që kam bërë, në formën e kërkuar nga ligji (fotokopje e vulosur nga Sekretaria).
2. Çdo vendimi të Kuvendit të Shqipërisë në lidhje me Avokatin e Popullit, rrëzim apo miratim kandidaturash, proçedurash, shpalljesh, regjistrimesh dhe çdo vendim tjetër që lidhet me kandidimin për Avokat të Popullit, me përjashtim të dokumentacionit para dt 5 Janar 2017 pasi jam pajisur me të nga ju në bazë të kërkesave të mëparshme që kam bërë, në formën e kërkuar nga ligji (fotokopje e vulosur nga Sekretaria)
3. Proçesverbalit të Mbledhjes së Komisionit për Çështjet Ligjore, Administratën Publike dhe të Drejtat e Njeriut në dt 23.05.2017, në formën e kërkuar nga ligji (fotokopje e vulosur nga Sekretaria),
4. Të dokumentacionit shoqërues mbi rendin e ditës që kishte lidhje me Avokatin e Popullit të vënë në dispozicion të anëtarëve të Komisionit për Çështjet Ligjore, Administratën Publike dhe të Drejtat e Njeriut në dt 23.05.2017, në formën e kërkuar nga ligji (fotokopje e vulosur nga Sekretaria),
5. Të kopjes së plotë të dosjes së vënë në dispozicion nga kandidatja Erinda Ballanca si kandidate për Avokatin e Popullit pranë Kuvendit të Shqipërisë dhe Komisionit për Çështjet Ligjore, Administratën Publike dhe të Drejtat e Njeriut në formën e kërkuar nga ligji (fotokopje e vulosur nga Sekretaria)
6. Proçesverbalit të Seancës së Kuvendit të Shqipërisë në dt 23.05.2017, për zgjedhjen e Avokatit të Popullit, në formën e kërkuar nga ligji (fotokopje e vulosur nga Sekretaria),
7. Vendime të marra nga Kuvendi i Shqipërisë për Zgjedhjen e Avokatit të Popullit në dt 23.05.2017.
Me respekt
Altin Goxhaj
Kandidat për Avokatin e Popullit (E.K/SHUPLAKA)
