Vetëm disa ditë përpara se kandidati i Trumpit për postin e Sekretarit amerikan të Shtetit të marrë miratimin e Senatit, kanë dhënë dorëheqjen nga detyra drejtues të lartë në Departamentin Amerikan të Shtetit.
Mësohet se mes të tjerëve ka dhënë dorëheqjen edhe ndihmës/sekretarja e Shtetit për Marrëdhëniet me Europën dhe Euroazinë, Victoria Nuland. Kujtojmë se Nuland luajti një rol kyç duke u përfshirë në negociatat mes mazhorancës dhe opozitës për reformën në drejtësi.
Ndihmës/sekretarja amerikane e Shtetit, Victoria Nuland, e ka cilësuar reformën në drejtësi një moment të rëndësishëm për demokracinë shqiptare, për të cilin ajo shprehej se po punon si qeveria edhe opozita.
Duke iu referuar gazetës “Ëashington Post” dhe agjencisë së lajmeve “Associated Press”, “Zëri i Amerikës” shkruan se dy ndihmës/sekretarë të tjerë pas Patrick Kennedy-t (nënsekretar i Shtetit për Menaxhimin) dhanë dorëheqjen të mërkurën.
Ndihmës/sekretarja për Administrimin Joyce Barr dhe Ndihmës Sekretarja e Shtetit për Marrëdhëniet Konsullore Michele Bond, së bashku me ambasadorin Gentry Smith, drejtor i Zyrës për Misionet e Huaja, janë diplomatë karriere.
Duke konfirmuar largimin e tij, zëdhënësi në detyrë i Departamentit të Shtetit, Mark Toner, u shpreh gjatë një deklarate se këto pozicione janë emërime politike, të cilave u nevojitet emërimi nga Presidenti dhe miratimi nga Senati. (XH.A/SHUPLAKA)
