Nga Klodian Tomorri –
Në Shtetet e Bashkuara të Amerikës, 23% e vrasjeve totale janë vrasje në familje. Në Shqipëri shifra është rreth 11%
Krimi në familje është një plagë e tmerrshme për një shoqëri. Por kjo teoria e sociologëve se Shqipëria është në depresion duket shumë e pabesueshme. Krim në familje ka kudo në botë, e madje me intensitet shumë më të lartë se në Shqipëri.
Në vend të përrallës se Shqipëria është në depresion do ishte mirë të shikohej një tjetër arsye. Sa baballareve te dhunshem apo me probleme mendore u është hequr kujdestaria e fëmijëve në Shqipëri? Sa nenave? Kolegët e kronikës mund të më korrigjojnë, por unë nuk kam dëgjuar asnjë rast. A kemi ne shëbim kombëtar për mbrojtjen e fëmijëve?
Nëse je fatkeq dhe të qëllon të lindësh nga prindër të dhunshëm, apo me probleme mendore do të të rrahin gjithë jetën. E madje edhe mund të vrasin. Sepse sistemi nuk të mbron.
Depresion nuk ka vetëm në Shqiperi. Ka në çdo vend të botës. Por jashtë fëmijët i mbrojnë. Këu shteti jo vetëm që nuk i mbron fëmijët, por madje i dhunon edhe brenda institucioneve publike, kopshte, shkolla e kudo.
Discussion about this post