Përfaqësuesja e Ambasadës së Shteteve të Bashkuara të Amerikës, Leyla Moses-Ones do të takohet ditën e sotme në orën 10:00 me kreun e Partisë demokratike, Lulzim Bashën në ambientet e selisë blu.
Ky takim vjen vetëm 5 ditë përpara zgjedhjeve të 30 qershorit ku mazhoranca ende vijon me qëndrimin e saj për zhvillimin e tyre pavarësisht se përfaqësuesit e saj që garojnë për bashkitë, në pjesën më të madhe të tyre nuk kanë kandidat përballë.
Ndërkohë, ditën e djeshme po ashtu Kolegji Zgjedhor me 5 vota pro dhe asnjë kundër apo abstenim vendosi të mos bënte ndryshime në fletën e votimit pas kërkesës së Partisë Uniteti Kombëtar për t’u dorëhequr nga gara, diçka e cila nënkupton edhe për shpërfilljen që ky institucion po i bën dekretit të Presidentit për anullimin e tyre.
Kur kanë mbetur edhe pak ditë nga zhvillimi I zgjedhjeve, palët nga ana tjetër janë shprehur të palëkundura në qëndrimet e tyre dhe aktori ndërkombëtar deri më tani ka mbajtur një qëndrim të distancuar duke ia lënë klasës politike që t’a zgjidh krizën, ky tqakim i Moses-Ones me Bashën mund të jetë një përpjekje e mundshme e përfaqësueses së SHBA-së për të nxitur dialogun dhe arritjen e një marrëveshjeje.
Por a do të rritet presioni ndërkombëtar në një kohë kur sipas asaj çfarë kanë deklaruar publikisjht, aktorët politik në vend e kanë të pamundur arritjen e një marrëveshjeje të pranuar nga të gjithë dhe që po shkohet drejt një procesi për të cilin nuk dihen ende surprizat që mund të jenë rezervuar? Ndoshta kjo do të jetë një nga pyetjet për të cilën mund të marrim një përgjigje ditën e sotme pas këtij takimi.
(F.GJ/FAXWEB.AL)
Discussion about this post