Kanë kaluar plotë dy vite nga vrasja e gjyqtares Fildes Hafizi, nga ish-burri i saj Fadil Kasemi.
Motra e gjyqtares, ka kujtuar gjyqtaren Hafili në dy vjetorin e vrasjes nëpërmjet një postimi në rrjetet sociale.
Amelia ka shpërndarë një foto me gjyqtaren e ndjerë, ku ka shkruar edhe një mesazh prekës.
“Nuk më besohet që kanë kaluar dy vite pa ty. Ndihem e mpirë. Për mua koha ka ndaluar në këtë ditë. Jetoj me ty në mendje, zemër e shpirt. Nuk të harroj në asnjë çast të jetës sime e sot dua që të të kujtojnë edhe të tjerët. Je dashuria e jetës sime dhe të dua në përjetësi.” shkruan Amela, motra e gjyqtares Fildes Hafizi në statusin e saj në rrjetet sociale.
Ngjarja:
Vrasja e gjyqtares ka ndodhur më 31 gusht 2017, pranë shtëpisë ku banonte në Tiranë, në zonën e Xhamllikut. Ngjarja erdhi pas shumë vitesh konfliktesh, për të cilat çifti dhe ishte divorcuar. Madje, gjyqtarja ishte kanosur nga Kasemi vazhdimisht, duke kujtuar këtu ngjarjen te “Shkëmbi i Kavajës”, ku 54-vjeçari ishte edhe i armatosur. Gjyqtarja kishte kërkuar edhe transferim në Tiranë, por KLD e kishte vendosur në Shkodër, rrethin më të largët që ajo kishte kërkuar, pasi ndihej e kërcënuar nga ish-bashkëshorti. Ish-Bashkëshorti i gjyqtares është dënuar me burgim të përjetshëm. Ai është gjetur fajtor për të treja akuzat që janë: Armëmbajtje pa leje, vrasje me dashje dhe rrëmbim personi. (lexo këtu) . Gjykata e Tiranës ka vendosur që kujdestaria e fëmijëve të gjykatëses së vrarë Fildez Hafizi ti kalojë tezes së tyre.
Discussion about this post