Moderatorja e njohur, Alketa Vejsiu është nga ato personazhe publike që e mban mjaft private jetën e saj personale. Ndërkohë ajo është mjaft aktive në rrjetet sociale, në të cilat publikon foto nga momente në punë, por edhe nga udhëtimet e saj.
Së fundmi ajo ka tërhequr vëmendjen e mediave rozë me fotot e saj me bikini apo nga pushimet luksoze që bën, e ndërsa së fundmi edhe me përgjigjet që iu jep komentuesve, kur e lavdërojnë, por më tepër kur e kritikojnë.
Në një foto të postuar pak orë më parë, në Instagram një komentuese nuk është treguar shumë dashamirëse ndaj saj, duke i shkruar: Je kot të rrofshin fotot e imazheve, po vetë nuk je gjë nuk e kuptoj përse të bëjn fresk njerzit kot.
Një koment të tillë, moderatorja e ka marrë me shumë sportivitet, madje nuk ka kthyer atë përgjigjen klishe që shumë VIP-a japin në raste të tilla “mos më ndiq nëse nuk të pëlqej”, përkundrazi.
“Sa bukur ke folur. Rrofsh o motër që me kthjellon”, ka shkruar ajo. (M.Q/Faxweb)
