Kryetari i Bashkisë së Tiranës, Erjon Veliaj, pasi ka marrë besimin e Edi Ramës dhe për një kandidim të dytë, ka gjetur pak kohë dhe të flasë për rivalët brenda partisë.
I pyetur nga gazetari Roland Qafoku për marrëdhënien me Saimir Tahirin, Veliaj tha se ata nuk kanë qenë asnjëherë armiq, madje madje, marrëdhëniet personale i kanë pasur të shkëlqyera.
“Ai nuk ka qenë asnjëherë konkurrenti im brenda PS, kjo është e gjitha një legjendë urbane. Kemi pasur një marrëdhënie shumë korrekte në qeveri, sigurisht në profile shumë të ndryshme kështu që ato dy vite që unë kam qenë në qeveri kemi pasur një raport shumë korrekt dhe secili në ngastrën e vet”, u shpreh me të tjerave Veliaj.
Zoti Veliaj, cili është mendimi juaj për atë që i ndodhi Saimir Tahirit?
Erion Veliaj: Saimiri ka një proces në gjykatë. Një gjë që unë nuk kam bërë kurrë është që unë të fus hundët se çfarë pretendojnë gjykatat e këtij vendi. Edhe për veten time, për çdo gjë kam shkuar në gjykatë. Kam fituar 8-0 të gjitha gjyqet për shpifje ndaj meje. Uroj shumë që dhe Saimiri të fitojë. Ai nuk ka qenë asnjëherë konkurrenti im brenda PS, kjo është e gjitha një legjendë urbane.
Kemi pasur një marrëdhënie shumë korrekte në qeveri, sigurisht në profile shumë të ndryshme kështu që ato dy vite që unë kam qenë në qeveri kemi pasur një raport shumë korrekt dhe secili në ngastrën e vet. Marrëdhëniet tona personale kanë qenë të shkëlqyera.
Pasi ndodhi kjo kam komunikuar, jemi dhe komshinj. Kjo historia e rivalitetit dhe debatit kanë qenë të gjitha legjenda urbane. Nuk mbaj mend të kemi debatuar ndonjëherë. Shpesh herë kemi bërë batuta me njëri tjetrin për këtë konkurencën që më shumë e ëndërronin të tjerët sesa ekzistonte.
(E.K/FAXWEB.AL)
