Në kuadrin e përgatitjeve për protestën e 16 marsit, Basha ka zhvilluar një takim me qytetarët në Dibër. Në një bashkëbisedim me një pronar lokali ai e fton të bëhet pjesë e protestës në Tiranë.
Pronar lokali: Biznesi është përtokë. Të jesh mes malit e të mos kesh ujë, është katastrofë. Papunësia katastrofë. Ishalla bëhet më mirë.
Basha: Ju jeni ngritur në protestë në Dibër. Ju ftoj më 16 mars në protestë në Tiranë për të ulur taksat dhe rritur miërëqenien. Në rradhë të parë të largojmë këtë pengesë.
Të mos jetë Dibra çiflig as i kriminelëve as i hajdutëve, por t’i kthejmë Dibrën dibranëve dhe Shqipërinë shqiptarëve.
Gjatë fjalës së tij Basha fton qytetarët të rrëzojnë krimin nga pushteti.
Banor: Është fatkeqësi që është e majta në pushtet.
Basha: Është krimi në pushtet, jo e majta. Do e heqim.
Banor: Jam blegtor, ndër femrat më të mëdha të Dibrës dhe të veriut. Asnjë subvencion. Më keq nuk bëhet. 2 mijë lek një litër naftë. Nuk i hedhim dot zetorit. Kemi shitur lopët. As Enver Hoxha nuk e ka bërë këtë që bën ky kriminel.
Basha: Kur vjen në pushtet me kriminelët, si kriminel qeveris. Dibra më mirë se çdokush tjetër e di se çfarë do të thotë të vish në pushtet me kriminelët. Edhe socialistët e Dibrës e dinë se çfarë do të thotë. Kjo nuk është Dibra e dibranëve, por e Edi Ramës dhe Ymer Lalës.
Discussion about this post