Moda është e përjetshme. Materialet e duhura për të krijuar një veshje shik të përjetshme po gjenden gjithnjë e më rrallë si në raftet e dyqaneve ashtu edhe në shtëpi. Prodhimi global është dyfishuar gjatë periudhës 2000-2014, sepse cikli i prodhimit nga firmat e veshjeve u bë më i shpeshtë dhe rrjedhimisht, këto firma u bënë edhe më produktive dhe mbi të gjitha, ndjekësit e modës po përfitonin më shumë.
Nga vetëm disa koleksione në vit, markat e fast-fashion si Zara, në pronësi të Inditex të Spanjës, tani ofrojnë më shumë se 20 koleksione; Firma H&M e Suedisë shkon deri në 16 koleksione.
Të veshurit vetëm për të krijuar një përshtypje të mirë në dukje, një aparencë të kuruar mbart me vete një kosto mjedisore, si dhe kosto financiare. Nga pesticidët e hedhur në fushat e pambukut tek detergjentët që harxhohen për të larë xhinset, prodhimi i 1 kg veshje emeton mesatarisht rreth 23 kg të gazrave serrë, sipas të dhënave të fundit që vijnë nga McKinsey, një firmë konsulence.
Duke qenë se konsumatorët mbajnë pothuajse çdo veshje që kanë sa gjysma e kohës në krahasim me 15 vite më parë, e gjithë ajo sasi shkon për mbeturina. Një prej shqetësimeve të fundit është numri i blerësve në botën e zhvilluar, të cilëve i duhet të blejnë sa më shumë veshje për të ecur me të njëjtin hap si konsumatorët e botës së pasur, dhe këtë gjë ata janë duke e arritur shumë shpejt.
Një pjesë e vogël e markave të njohura e nxisin konsumatorin që të riciklojnë rrobat e tyre të vjetra duke i kthyer ato në dyqane. Por, pothuajse të gjitha veshjet e ditëve të sotme janë të përbëra nga një përzierje materialesh, shpesh duke përfshirë në këtë grup edhe poliestrën. Ndarja e tyre është tepër e vështirë dhe proceset mekanike për riciklimin e tyre e ulin në minimum cilësinë e fibrave të veshjeve.
Nga ana tjetër, metodat kimike janë të shtrenjta për t’u vënë në zbatim. Blerjet e veshjeve të përdorura në shtete të tilla si Afrika dhe Azia janë gjithashtu një dështim. Edhe nëse tregjet lokale janë aq të mëdha sa mund t’i përballojnë ato, cilësia e ulët e veshjeve që përmbajnë materialin e poliestrës do të thotë se ato veshje nuk mund të kenë jetëgjatësi.
Ndërsa e kundërta ndodh me veshjet të cilat i rezistojnë kohës./ Revista Monitor
Discussion about this post