Emetimi i gazit të makinave që janë jashtë standarteve, është një nga shqetësimet që gazetari Denis Dyrnjaja ka ndarë herë pas here me publikun gjatë kohëve të fundit.
Sipas tij, Shqipëria më kot pretendon të bëhet pjesë e Bashkimit Europian, kur ende vuan nga mosrealizimi i standarteve.
“Një rast të ngjashëm se gjen as në Malin e Zi jo më në ndonjë vend të BE-së. Ne nuk mund të jemi europiane nga letrat dhe marrëveshjet por nga standardet dhe nga mendësia. Kot pretendojmë integrim dhe barazi me një francez, gjerman, spanjoll apo italian. Ne jemi një mini Afganistan i fëlliqur në mes të Europës që bëjmë si modernë por ndërkohë jemi zhytur në injorancë dhe korrupsion primitiv prej të cilit po vrasim veten dhe këtë e pranojmë si normalitet.
Është e admirueshme indiferenca dhe moimpenjimi shoqëror, civil dhe mediatik. Se di çfarë mund të jetë lajm më i rëndësishëm sesa alarmi ushqimor dhe mjedisor.
Kujdes së shpejti do të takohemi në varreza për të përcjellë njërin prej nesh. Natyrisht që të gjithë aty shprehemi të keqardhur dhe të lënduar, por kjo harrohet shpejt deri në funeralin e radhës.
Kanceri vijon të vrasë edhe për shkakun tonë!”, reagon Dyrnjaja i cili ka bërë publike një foto, ku shihet një autobuz që lëshon gazra të dëmshëm në ajër. (D.D/Shuplaka)
Discussion about this post