Edhe nëse një armëpushim pengon ofensivën e planifikuar në Rafah, në jug të Rripit të Gazës, kjo do ta sillte Izraelin vetëm “disa javë” larg nga “fitorja totale”, siguroi kryeministri izraelit Benjamin Netanyahu.
“Fitorja totale është në duart tona – jo muaj larg, por disa javë larg – kur ne të fillojmë operacionin, tha kryeminsitri izraelit në një intervistë për rrjetin amerikan CBS.
Për Netanyahun, Rafah është bastioni i fundit i Hamasit dhe ai shprehet i vendosur, pavarësisht protestave ndërkombëtare, për të lançuar një ofensivë tokësore për të mposhtur forcat palestineze dhe për të liruar pengjet.
Rreth 1.5 milionë njerëz, sipas gjetjeve të OKB-së, janë strehuar në Rafah, në kufi me Egjiptin.
“Nëse do të kemi marrëveshje (për armëpushim), (operacioni) disi do të vonohet, por do të kryhet,” shtoi ai.
Kryeminstri izraelit tha se do të takohet me zyrtarët izraelit të ushtrisë të dielën që t’i paraqesin atij “planin e dyfishtë”, një plan për të pastruar Rafah nga civilët dhe neutralizuar çfarë mbetet nga forcat e Hamasit.
Sipas informacioneve nga gazetarët e AFP-së, të paktën gjashtë sulme ajrore ndodhën sot në Rafah.
“Ka vend për civilët për të shkuar në veri në Rafah, në zonat ku ne kemi mbaruar luftimet,” tha Netanyahu për CBS.
Referuar për një armëpushim të mundshëm në Gaza në shkëmbim të lirimit të pengjeve, Netanyahu tha: “Ne do të arrijmë përparimin që duam të gjithë nëse Hamas bën prapa nga kërkesat absurd dhe i vendos ato në një kornizë të arsyeshme.”
“Ne të gjithë po punojmë për këtë marrëveshje.” “Ne e duam atë, unë e dua, sepse duam të lirojmë pengjet e mbetura, por nuk jam në pozicionin t’ju them se si do të vijojë.”
Këshilltari i Shtëpisë së Bardhë për çështjet e Sigurisë, Jack Sulivan tha sot, se gjatë negociatave të fundit në Paris u arrit “marrëveshja në parim” për të patur një armëpushim.
Discussion about this post