Në takimin e sotëm midis anëtarëve të shoqërisë civile dhe Ministres së Kulturës Mirela Kumbaro, dy palët kanë debatuar keq me njëri-tjetrin. Aktivisti Aulon Bej Kalaja e pyet Kumbaron nëse ajo do të jetë e pranishme në protestën e qytetarëve të Durrësit, për të mbrojtur zbulimet arkeologjike në zonën ku po zhvillohen punimet e projektit Veliera.
Të ftoj të bashkohesh me ne për të mbrojt Durrësin, sepse në anët këtej është qeveria, në anën këtej është populli, në anën këtej është betonierja, në anën këtej janë fjalët, në anën këtej janë fandromat dhe Vangjush Dako… ndërhyn ministrja: Është dhënë ndonjë leje ndërtimi në Durrës?
Kalaja: Jeni me Vangjushin apo me popullin? Por Kumbaro kësaj pyetje i përgjigjet me JO.
“Me gjithë respektin për dashurinë dhe pasionin tuaj, përgjigja ime është jo. Unë jam në krye të deetyrës si minister e Kulturës, duke mbështetur totalisht institucionet, administratën, ekspertën…”, shprehet Kumbaro.
Pas kësaj përgjigje zhgënjyese për aktivistët, ata i vënë shiritin e krimit ministres Kumbaro. (D.D/Shuplaka)
Discussion about this post