Çdo mesazh ju emocionon, qeshni gjatë gjithë ditës dhe nuk rrini dot pa e takuar njëri-tjetrin. Nëse ndiheni kështu, me shumë mundësi jeni në hapat e parë të lidhjes dhe nëse doni që kjo situatë të zgjasë, duhet të shmangni disa gjëra. Në jetë thonë që nuk ka receta të gatshme, po ndonjëherë ndjekja e disa rregullave qoftë edhe të pashkruara mund t’iu bëjë ta zgjasni sa më shumë një lidhje që doni ta mbani.
Më poshtë do ju tregojmë se kush janë ato gjëra që nuk duhet të bëni nëse keni dëshirë që marrëdhënia juaj të zgjasë sa më shumë.
1. Mos u nxitoni
Duke qenë se po ia kaloni mirë, mund të tundoheni që të bëni diçka drastike, si për shembull, të jetoni bashkë. Por, të duash të kalosh çdo sekondë me partnerin, mund të jetë mbytëse. Kaloni disa netë vetëm, gjeni kohë për gjërat që keni qejf dhe dilni me shoqërinë.
2. Harrojeni perfeksionin
Mos mendoni se partneri juaj është perfekt. Në fillim mund të duket i tillë, por do e ketë të vështirë të mbajë standardin për shumë kohë. Nuk duhet pritur që partneri të jetë gjithçka për të cilën ju keni nevojë.
3. Mos u bëni posesivë
Fakti që sapo jeni lidhur, nuk do të thotë se partneri është i detyruar të kalojë gjithë kohën me ju. Të kërkosh dhe të presësh që ai ta bëjë këtë, është një sinjal i qartë për partnerin se ju nuk keni besim.
4. Mos flisni për ish të dashurit
Të flasësh për marrëdhëniet e kaluar është e pashmangshme, por jo që në fillim të lidhjes. Nëse e bëni këtë, partneri do të mendojë se ju e keni mendjen tek ishi ose do të nisë të bëjë krahasime. (E.K/SHUPLAKA)
Discussion about this post