Zënkat dhe debatet nuk janë gjithmonë të parëndësishme. Ato ndikojnë në jetën dhe marrëdhënien tonë. Ndaj nëse ndodheni në situata të tilla, përdorni këto pesë fraza, në mënyrë që të bëni paqe me njeriun e zemrës:
1.Po të dëgjoj!
A e keni kuptuar me të vërtetë atë që ai donte të thoshte apo keni vijuar me mendjen tuaj? Shpesh gjatë një grindjeje nuk dëgjoni deri në fund duke hedhur tërë zhgënjimin në anën tjetër. Por pas një diskutimi i duhet dhënë hapësirë emocioneve tona, duke dëgjuar të tjerët, të nxirrni në pah së bashku nevojat e momentit. Për një moment, harroni bindjet e tua dhe fokusohuni në atë që është duke thënë partneri. Do të zbuloni perspektiva të reja.
2.Më vjen keq!
Të mësosh për të kërkuar falje është thelbësore, si për grindjet e vogla ashtu edhe për ato të mëdhatë. Kjo nuk do të thotë se ndryshon qëndrimi juaj, por është një shenjë bujare për uljen e gjakrave dhe të nisni të bisedoni me racionalitet. Vetëm kur të kemi ndaluar sulmin ndaj tjetrit mund të ndodhë një transformim. Përndryshe rreziku është që të mbeteni kokëfortë dhe të vendosur në pozicionet tuaja, duke bërë që mes teje dhe partnerit të ketë një pengesë keqkuptimi të ndërsjellë.
3.Ajo që po kërkoj të të them…
Krijo një minutë heshtje. I jep tjetrit idenë se i ke menduar ato që po thua. Çfarë po kërkoni t’i thoni partnerit? Shpesh ndodh që gjatë një diskutimi të humbisni fokusin fillestar dhe të përfundoni duke u grindur për gjëra që në fillim nuk ishin edhe aq të rëndësishme. Nëse se bëni dot më zë atëherë mund t’ia shkruani dhe t’ia fusni letrën në xhep. Duke lexuar në letër mendimet tuaja do ta ndihmojë atë … dhe ju.
4.Ti si mendon?
Dëgjoni edhe vizionin e tij në mënyrë që të ndërtoni një balancë të re. Kujdes nga tendenca që të grindeni gjithë kohës, sepse pas shpërthimit në lot ose të puthura shpesh fshihet paaftësia për t’i zgjidhur problemet në mënyrë të thellë.
5.Unë besoj në NE!
Kjo është thelbësore për një marrëdhënie të shëndetshme. S’është nevoja të thuash “Të Dua” me fjalë, por me vepra. Shikojeni partnerin tuaj në sy dhe përqafojeni atë. Tregojani personit që ju keni zgjedhur për të ndarë jetën, që është i rëndësishëm për ju.
(F.M/Faxweb)
