Jep dorëheqjen drejtori i Spitalit të Kavajës, a është karantina për koronavirusin arsyeja?

Ka dhënë dorëheqjen nga posti i drejtorit të spitalit të Kavajës, Përparim Daiu ndërsa për qëllimin e këtij vendimi ende nuk është zbardhur asnjë detaj.

Theksojmë se Spitali Rajonal i Kavajës është përfolur së fundmi si vendi ku do të vendoset karantina për personat e dyshuar nëse do të ketë raste në vendin tonë, me koronavirus.

Gazetarja e Fax News Albana Aliaj thotë se burime kofidenciale tregojnë se drejtori është detyruar të marrë këtë vendim pasi ka pasur presione nga qytetarët deri në kërcënime.

Gjithashtu mësohet se shkak janë bërë edhe depatet politike mbi hapjen e Karantinës në Spitalin e Kavajës.

(F.GJ/FAXWEB.AL)