Vetëm pak ditë pas emërimit në postin e drejtueses së ARRSH-së, Vasilika Vjero ka dhënë dorëheqjen. Vjero është emëruar në këtë post të rëndësishëm me datë 20 Shtator dhge dorëheqja e saj vjen vetëm 13 ditë pas këtij emërimi.
Ajo zëvendësoi në këtë detyrë, Sonila Qaton e cila dha dorëheqjen pas akuzave të bëra për korrupsion. Ish-drejtoresha e Tatimeve Vasilika Vjero ka qenë më herët edhe drejtuese e Qendrës Kombëtare të Biznesit, ndërkohë ende nuk dihet arsyeja e kësaj dorëheqjeje të papritur.
Kujtojmë që dorëheqja e Sonila Qatos erdhi pas akuzave të disa ditëve më parë nga kompania ‘Gjoka Konstruksion’, se ish-drejtoresha e ARRSH-së ka prishur imazhin e kompanisë dhe ka shkelur ligjin në tenderimin e rrugës Kardhiq-Delvinë.
Në media vazhdimisht u përfol dhe për marrëdhënien e tensionuar mes saj dhe ministres së Infrastrukturës dhe Energjisë Belinda Balluku.
(F.GJ/FAXWEB.AL)
