Është ndërprerë seanca ku po jepej masa e sigurisë për anëtarin e grupit të Habilajve që u arrestua pak ditë më parë në Vlorë, Nazër Seitaj.
Pas ndërprerjes gjykata është rimbledhur dhe ka vendosur masën e arrestit me burg.
Sipas Prokurorisë ka prova të reja që implikojnë Seitajn dhe se përgjimi për ta ka nisur prej disa vitesh. Nga ana tjetër avokati mbrojtës i tij ka kërkuar kohë për të shqytuar provat e reja që janë paraqitur nga ana e Prokurorisë.
Në procesin gjyqësor të zhvilluar javë më parë në ambjentet e gjykatës së Tiranës, Seiti i tha trupit gjykues se ishte i gatshëm të ekstradohej dhe përballej me akuzat në Itali. Por pavarësisht këtij vullneti, gjykata e Tiranës cakto masën “20 ditë në burg” për Seitin.
(E.K/FAXWEB)
Discussion about this post