Do të jepet sot masa për gjashtë protestuesit e opozitës ndër ta edhe banorë të Astirit të cilët mbetën të arrestuar në protetën e së enjtes të zhvilluar nga Opozita. Ndër gjashtë protestuesit e opozitës të arrestuar këtë të enjte janë:
1. Jurgen Angjelin Gjikola- Shijak
2. Mariglen Sherif Doci- Mamurras
3. Arber Kol Kola – Tiranë
4. Bledar Mustafa Dollia – Kavajë
5. Emilian Eshref Mustafa- Kavajë
6. Dorjan Florian Protoduari- Tiranë
Ndërkohë pak minuta më parë Gjykata e Apelit mori një vendim për shtyrjen e seancës gjyqsore prej rreth një ore.
Masa për protestuesit e arrestuar para 3 ditësh është përcaktuar të jepej pas 72 orësh paraburgim të tyre. Ndër protestuesit e arrestuar është edhe Dorian Protoduari.
Masa do të jepej në seancën e sotme të orës 10:00 nga Gjykata Penale e Tiranës. Ndërkohë banorët e Astirit janë mbledhur rreth orës 09:30 të këtij mëngjesi në mbështetje Protoduarit dhe protestuesve te tjerë.
Për Fax News ka folur dhe nëna e Dorian Protoduarit e cila ju ka bërë thirrje prokurorëve dhe gjykatëve për një vendim të drejtë për djalin e saj dhe se është shprehur që arrestimet e bëra në protestën e opozitës janë për qëllime politike, jo për veprimet e banorëve:
“Thirrje prokurorëve , gjyqtarëve të mos bëhen vegla e këtij Kryeministri sharlatan dhe arrogant dhe të japin vendimin e duhur. Ne po protestojmë për të drejtën tonë, për shtëpitë tona.
Çfarë do të bënte Edi Rama? Nuk do të protestonte nëse do ti merrnin shtëpin që e ka bërë me paratë e drogës, jo më ne që e kemi me djersë.
Doriani im ditën e protestës ka qenë me kameramanët e Fax News, nuk ka krijuar dhunë. Te pedonalja ishim mbledhur të gjithë, ajo është rrugë kalimi për të gjithë banorët nuk ka pse bllokohet nga policia e krimit. Jam një nënë krenare për djalin tim, nuk është kriminel. Arrestimet e bëra janë politike, jo për veprimet tona”.
