Ylli Dylgjeri nëpërmjet një statusi në facebook ka denoncuar përdorimin e gazit lotsjellës, në doza shumë të larta nga Policia dhe Ministri Sandër Lleshaj.
Ai thotë që në një moment në mesnatën e djeshme nga sasia e gazit të tepërt në Tiranë i është marrë fryma, dhe është ndjerë shumë keq. Ai shkruan se është një gjë e pakonceptueshme kjo gjë në vitin 2019 dhe e paralajmëron: Do shëtisësh një ditë në Tiranë!
Statusi i plotë i Ylli Dylgjeri:
Na ndau gazi lotsjellës…
Kishte kapërcyer ora 24.00 e natës së mbrëmshme. Takoj rastësisht në bllok ish Ministrin e Rendit Luan Rama të vitit 2003… Kohë kur Ai ishte Ministër e unë Sekretar i Përgjithshëm i Rendit. Pasi u përshëndetëm vendosëm të shëtisim në atë orë të vonë. Biseda u ndal për ngjarjen e ditës, Protestën. Protestë që ende po vijonte në ato çaste te Drejtoria e Policisë së Tiranës për ndalim e Sahit Dollapit.
E pyes Luanin:
A përdorëm ndonjëherë në kohën e drejtimit tonë gaz, se nuk po më kujtohet?
Jo – tha prerë Luani. Oso kohe ne nuk kishim gaz. Por të kishim Ty, që na mbysje me gaz humori…
Kështu vazhduam ecjen dhe këmbët na çuan
në krye të rrugës që ndërpret Bllokun me Unazën… te kinema Agimi. Por aty na ndodhi
e pa pritura…Një valë gazi helmues na zuri fytin, na lotoi sytë, aq sa nuk pashë më ku ika
e ku më çuan këmbët. Frymarja mu morr, lotët më mbuluan deri në vjellje. Nuk e pashë më kolegun në krah se ku ishte… kishim humbur njëri- tjetrin, që se humbëm kurrë asnjë çast
kur drejtonim Ministrinë e Rendit të viteve 2003. Na ndau gazi helmues…
Jemi në vitin 2019.Ministër i Brëndshëm është ushtaraku Sandër Lleshi. Jepi gaz Llesh!
Por vetem Kujdes! Do të shëtisësh një ditë në Tiranë.
Discussion about this post