Jetoi 105 vjeç, para se të vdiste rrëfeu sekretin e jetëgjatësisë së tij

Shigeaki Hinohara është një nga mjekët më të famshëm të Japonisë i cili ka vdekur në moshën 105 vjeçare. Deri në ditët e fundit të jetës ai vizitoi pacientët e tij duke i dhënë këshilla se si të jetonin gjatë.

Dr Hinohara shpesh u shfaq në televizionin japonez, duke i bërë thirrje audiencës që të ketë më shumë kënaqësi në jetën e tyre dhe për të shmangur sëmundjen duke i dhënë gjithmonë vetes diçka për të parë.

Në një intervistë të dhënë në një televizion  pak para se të vdiste ai u përpoq të jepte disa këshilla për të jetuar mirë dhe gjatë, në mënyrë që ato mos të mbeteshin në rrethin e tij të pacientëve por të përhapeshin dhe në një grup më të gjerë njerëzish.

 Sipas “The Indipend” disa nga këshillat e tij më të vyera për mënyrën e të jetuari janë:

1. Të shqetësohesh më pak për të ngrënë mirë apo fjetur mirë dhe të argëtohesh më shumë

“Të gjithë e mbajmë mend se si kur ishim fëmijë, kur argëtoheshim, shpesh harronim të hanim dhe flinim. Duhet të mbajmë këtë qëndrim edhe si të rritur. Është më mirë të mos lodhni trupin tuaj duke i caktuar vetes shumë rregulla, të tilla si orë drekë dhe orë për të shkuar për të fjetur”.

2. Mos e ndiqni verbërisht atë që thotë doktori

“Kur një mjek ju rekomandon të kryeni një test ose operacion, pyeteni nëse do t’ia sugjeronte të njëjtën gjë bashkëshortes ose fëmijëve të tij. Në kundërshtim me besimin popullor, mjekët nuk mund të kurojnë çdo gjë, kështu që pse t’i nënshtroheni dhimbjeve të kota, të lidhura me një ndërhyrje?”

3. Për të pushtuar dhimbjen, argëtohuni

“Dhimbja është misterioze dhe argëtimi është mënyra më e mirë për të harruar. Në qoftë se një fëmijë ka një dhimbje dhëmbi dhe të fillon të luajë, e harron pjesërisht dhimbjen e tij”.

Në një dalje për BBC-në, pas vdekjes së 105- vjeçarit,  kujdestari i tij tha: “Ai ishte i bindur se aspekti themelor i jetës është që të japësh një kontribut, të ndihmosh njerëzit, të zgjohesh herët në mëngjes dhe të bësh diçka të mrekullueshme për të tjerët.Ishte kjo që e mbajti gjallë. Ai kishte një objektiv për sot, nesër dhe për 5 vitet e ardhshme”.

I përshkruar nga kolegët e tij si thesar kombëtar i Japonisë, ai kreu pesë fondacione përveç të qenit president i Spitalit Ndërkombëtar të Shën Lukës, në Tokio. Gjatë Luftës së Dytë Botërore ai kontribuoi në  trajtimin e të plagosurve, të cilët përbënin një numër të konsiderueshëm  të kryeqytetit japonez.

(B.N/Shuplaka)