Kush nga ju është përballur me këtë problem, e di mirë bezdinë dhe parehatinë që shkakton. Pa dyshim që do të donit ta rregullonit sa më shpejt të ishte e mundur dhe ka shumë metoda në kushte shtëpie që ndihmojnë në “shfryrjen” e ujërave të barkut.
Dietologia Katherine Zeratsky thotë se çështja mund të zbutet përmes bimëve të caktuara, si xhenxhefili, radhiqet, majdanozi, dëllinja dhe murrizi. “Në teori, diuretikët natyralë mund të ndihmojnë në lehtësimin e mbajtjes së lëngjeve duke ju bërë të urinoni më shumë”, – thotë ajo.
Zeratsky këshilloi që gjithmonë të informoni mjekun tuaj për çdo suplement bimor ose dietik që po mendoni të merrni. Rregullime të thjeshta si ulja e kripës dhe ushtrimet e shumta mund të bëjnë një ndryshim të madh në mirëqenien tuaj. Natriumi i tepërt në trup është i njohur për mbajtjen e ujit, gjë që mund të çojë në fryrje dhe ënjtje.
Eksperti i ushqimit Dr. Khatri thotë se është një ide e mirë të kontrolloni nivelet e natriumit të ushqimeve dhe pijeve përpara se t’i konsumoni ato, me këto produkte ushqimore që janë veçanërisht problematike: Për të luftuar nivelet e natriumit në trup, mendoni të shtoni disa ushqime të pasura me kalium si spinaqi dhe bananet. Është gjithashtu e rëndësishme të shmangni një mënyrë jetese ulur, pasi kjo mund të shkaktojë që indet të mbahen në ujë, duke rezultuar në ënjtje të këmbëve dhe kyçeve.
Gratë mund të përjetojnë mbajtjen e ujit në ditët përpara ciklit së tyre menstrual dhe Dr Khatri që vuri në dukje se ndjenja e simptomave të tilla ishte krejtësisht normale. Një fryrje e tillë duhet të qetësohet brenda pak ditësh pas gjakderdhjes.
Është e rëndësishme të theksohet se terapia e zëvendësimit të hormoneve (HRT) ose masat e kontrollit të lindjes gjithashtu mund t’ju bëjnë të mbani ujin.
Po kështu medikamente të tjera si ibuprofeni, ilaçet kundër depresionit dhe kimioterapia mund të kenë secili këtë efekt. Rrallëherë simptoma mund të jetë shenjë e një gjendjeje shëndetësore më shqetësuese. Për fat të mirë, mbajtja e ujit është rrallë një shenjë e një problemi shëndetësor më shqetësues.
