Banorët e Tiranës nuk do të rrinë më në radhë të gjata për të marrë certifikata në njësitë administrative përkatëse. Kjo sepse brenda dy muajsh, bashkia ka premtuar se do t’i ofrojë mundësinë çdo qytetari për t’i marrë certifikatat e Gjendjes Civile “online” në bankomate ose në “e-kioskë”, gjatë të gjithë 24-orëshit.
Certifikatat “online”, projekti më i ri i Bashkisë së Tiranës. Mësohet se implementimi i kioskave vetëshërbyese do të realizohet përmes ndërtimit të një programi ku do të ruhen të dhënat dhe statistikat e aplikantëve në pikat e vetëshërbimit.
Ndërohë sistemi i Gjendjes Civile do të ndërlidhet me sistemin elektronik të Gjendjes Civile në kohë reale, do të zvogëlojë radhën e pritjes dhe do të përmirësojë cilësinë e shërbimit.
Për të marrë certifikatat online, qytetarët do të aplikojnë me kartën e identitetit ose përmes emrit të përdoruesit dhe fjalëkalimit.
Ky program do të shërbejë gjithashtu edhe për të dërguar elektronikisht gjatë të gjithë kohës kërkesa dhe ankesa pranë bashkisë. (D.D/Shuplaka)
