Kryeministri Edi Rama ka komentuar deklaratën e Presidentit të Francës, Emmanuel Macron lidhur me çështjen e azilantëve, si një pretekst që sipas Ramës ka dashur të transferojë vëmendjen nga e vërteta.
Rama theksoi se kjo është një përplasje e brendshme e të mëdhenjve dhe interesash sipas tij më të mëdha se Shqipëria, duke shtuar gjithashtu se një përgjigje pozitive në këto kushte nuk do ta merrte asnjë vend që sot është brenda Unionit nëse do të ishte në vend të Shqipërisë dhe Maqedonisë së Veriut.
“Janë bërë përpjekjet maksimale për të arritur të marrim atë që merituam dhe këtë nuk e them unë dhe nuk e themi ne, tani më e ka thënë me shkrim dhe me gojë Komiosioni Europian. Kam marrë mesazhe të drejtpërdrejta nga një pjesë e kryeministrave të pranishëm në takim. Kam komunikuar edhe me Macron, dhe nëse duam të shikojmë drejt në sy të vërtetën është ajo që kam thënë prej disa kohësh, duke e parë në të gjitha kontaktet dhe diskutimet se procesi po shkonte drejt një përplasje qasjesh mes Francës dhe Gjermanisë dhe një sërë vendesh që ishin për një “PO” të qartë.
Ndërsa Gjermania i vendosi një “Por” /“PO”-së. Kjo çështje është diskutuar dhe nuk ka pasur asnjë hapje për të gjitha ato që dëgjuat vetë në konferencën e shtypit pas mbledhjes së Këshillit, unë i kam dëgjuar më shkoqur se aq. Franca kërkon një reformim të përgjithshëm të BE-së dhe transformim të vetë procesit të zgjerimit, madje deri në pikën që të arrihet në një tjetër objektiv në horizontin e zgjerimit. Sipas Presidentit të Francës, duhet të zhvillohet një proces që nuk është ndjekur deri më tani me zgjerimin. Që nga Presidenti i Komisionit, partnerët e zgjerimit etj, e ka në thënë qartë se kjo që ka ndodhur është rezultat e mosdakortësisë së vendeve anëtare për qëndrimet e tyre. Jo po azilantët, jo po kjo, jo po ajo, këto janë bishta. Jo Maqedonia e Veriut, për çdo vend që është sot brenda BE-së, nëse do të kishte kërkuar konsensus, nuk do të kishte marrë consensus. Kemni marrë një refuzim për t’u marrë në konsideratë për çeljen e negociatave mbrëmë, por jo më shumë se aq. Rruga jonë është e njëjtë, ne kemi bërë dhe do të vazhdojmë të bëjmë për vendin tonë.
Kjo është një përplasje mes të mëdhenjsh dhe përplasje interesash shumë më e madhe se sa ne. Askush nuk e ka përjashtuar dhe as e përjashton prespektivën tonë si rajon në integrimin. Procesi I integrimit është një process i trensferimit të brendësh, nuk është një proces për t’ju pëlqyer të tjerëve”, tha Rama.
(F.GJ/FAXWEB.AL)
