Nënkryetari i LSI-së Luan Rama ka reaguar dhe ndaj deklaratave të kryedemokratit Lulzim Basha që të tjerë drejtorë pritet të arrestohen.
Ai thotë se në asnjë vend të botës nuk ndodh që kryetari i një partie pa asnjë target ligjor të dalë dhe të bëjë deklarata të tilla.
“Një kryetar i një partie në opozitë si është Basha del e thotë që pasi u arrestuan 3 do arrestohen edhe 300 drejtorë, kush je ti, në cilin vend demokratik ndodh që të kërcënohen punonjësit, këtë tagër kushtetues e ka vetëm prokuroria dhe gjykata. Ka ikur koha kur partitë emëronin, fusnin apo nxirrnin nga burgu”, tha Luan Rama.
Kujtojmë se deklarata e Bashës është bërë pas kallëzimit të drejtorit të Spitalit në Berat.
“Zyrtarët që kishin ndërmend të abuzonin po struken e do të struken dita-ditës. Nja 30 drejtorë të mëdhenj e të mesëm janë shkarkuar, disa janë proceduar penalisht. Do të doja të shihja më shumë të arrestuar.
Ministri i Brendshëm po bën maksimumin dhe shpresoj që Drejtori i Policisë t’i përgjigjet sipas ligjit , e jo sipas urdhrave nga politika. Po pres arrestimet, sepse disa e kanë vendin me masa sigurie, sepse Kodi Penal e parashikon që ata shkojnë minimalisht 1 vit prapa hekurave për abuzimin me detyrën në funksion të votës.
I bëj thirrje Shtetit të zbatojë Kodin Penal që i çon prapa hekurave ata që sjellin apo marrin kartat e identitetit, ata që cenojnë votën, ata që premtojnë e mashtrojnë për votën”, deklaronte Basha. (E.K/SHUPLAKA)
Discussion about this post