Kreu i opozitës Lulzim Basha, i ftuar në emisionin “Opinion” të gazetarit Blendi Fevziu, ka përmendur shkarkimin e drejtorit të spitalit rajonal në Berat, i cili po procedohet penalisht për shkak të pjesëmarrjes së tij në fushatë, bashkë me deputetin e LSI-së Gledion Rehovica.
Mirëpo, ndryshe nga sa është lajmëruar deri më tani, Basha ka deklaruar te Fevziu se edhe vetë deputeti është çuar për ndjekje penale.
“Policia ka çuar për ndjekje penale deputetin e LSI-së. Ai dhe drejtori i spitalit janë kapur në një skemë korruptive. Ky është fati që pret çdo deputet. Në arritëm një fitore të rëndësishëm, Republika e vjetër me atë marrëveshje kapitulloi.
Ky është lajmi sot. Për herë të parë në historinë e Shqipërisë një kandidat për deputet, aktualisht deputet, i referuar në prokurori. I kërkoj prokurorisë të zbatojë ligjin. Unë jam informuar që në mënyrë operacionale ka një material të filmuar, ku bashkë me drejtorin e spitalit, kanë operuar me një skemë korruptive” tha Basha.
Në fakt, mbrëmjen e sotme policia njoftoi se kishte nisur një procedim penal ndaj drejtorit të spitalit të Beratit, Idlir Frashëri. Kjo sepse sëbashku me punonjës, kishte bërë fushatë për deputetin Rehovica. (D.D/Shuplaka)
Discussion about this post