Jemi mësuar që balerinën Klaudja Pepa ta shohim shpesh në ekranin e televizionit, por jo mamanë dhe motrën e saj. Për të gjithë ata që duan të dinë pak më shumë mbi Klaudjan përjet jetës së ekranit por atë familjare, mamaja e saj Lume dhe motra Pamela Pepa, të ftuara në emisionin “Rudina” në TV Klan, kanë rrëfyer mbi veten dhe pjesëtaren e famshme të familjes së tyre.
Lume Pepa tregon se është kampione e qitjes dhe numëron plot 85 gara ku ka marrë vendin e parë. Ndërsa Pamela studion në vitin e fundit në Liceun Artistik për kanto. Ajo është një mezosoprano shumë e talentuar dhe po pregatitet për të realizuar një koncert recital në Tiranë.
Mamaja e Klaudias tregon se vajza e saj balerinë është privuar nga lojërat e fëmijërisë, ndryshe nga bashkëmoshatarët e saj që kur nisi pasionin për baletin.
“Vullneti që ka Klaudia është i jashtëzakonshëm, ka një forcë të brendshme të të arriturit të gjërave. Sapo arrin një gjë, kërkon edhe një tjetër. Duhet të bëj edhe këtë, edhe atë, është forca e brendshme që e nxit për të arritur gjithmonë e më shumë, është vajzë shumë punëtore.…” tregon Lume Pepa për Klaudjan.
Nga ana tjetër Pamela tregon se zërin e ka të trashëguar nga i ati, mirëpo ndërsa Lume e dëgjon preket dhe përlotet.
“Kështu më ndodh edhe me Klaudian. Sa herë e shoh atë të kërcejë, unë qaj. Është kënaqësi e çdo prindi, të shohë fëmijën të realizuar në ëndrrat dhe dëshirat e veta…”, thotë ajo. (D.D/Shuplaka)
Discussion about this post