Nëse gjithë vëmendja është e përqendruar sot në Vlorë, edhe në qytetet e tjera ka pasur festime për 105-vjetorin e pavarësisë së vendit.
Sot liderët e Shqipërisë e Kosovës janë bërë bashkë në Vlorë. Presidenti i Shqipërisë Ilir Meta, Presidenti i Kosovës Hashim Thaçi dhe Kryeministri Edi Rama kanë marrë pjesë në ceremoninë e ngitjes së flamurit në Vlorë.
Kreu i PD-së Lulzim Basha ka zgjedhur që të qëndrojë në kryeqytet.
Në Berat sot deputetë të majtë të qarkut, drejtues të institucioneve vendore, përfaqësues të bashkisë, qarkut dhe prefekturës kryen homazhe pranë Përmendores kushtuar heronjëve të kombit. Nderime dhe kurora me lule u vendosën pranë përmendores kushtuar heronjëve të kombit. Në këtë ceremoni është vënë re mungesa e përfaqësuese të Partisë Demoktarike dega Berat. Qarku i Beratit ka dhënë kontribut në shpalljen e pavarsisë me tetë firmëtar të aktit të pavarsisë.
Po ashtu në Durrës Partia Demokratike ka festuar ditën e çlirimit pranë Muzeleunit të Dëshmorëve. Ndërkohë që vihej re mungesa e strukturave drejtuese të kësaj partie në ceremoni.
Nga ana tjetër kryetarja e LSI-së, Monika Kryemadhi ka zgjedhur qytetin e Elbasanit, ndërsa është shfaqur së bashku me kreun e Bashkisë së qytetit Qazim Sejdini, duke lënë në këtë mënyrë pas të gjitha akuzat politike në këtë ditë.
(E.K/Faxweb)
