Faqja satirike “Lolita” ka bërë një postim “funny” për përplasjen mes Alketa Vejsiut dhe Xhemi Shehut. Në fakt, nuk bëhet fjalë për një përplasje të mirëfilltë pasi ishte vetëm Alketa ajo që përmes faqes së saj “Revista Class”, i hodhi kunja Xhemit sepse kjo e fundit e imitoi kur këndonte në Festivalin e Këngës.
Gjatë paradites Alketa Vejsiu u shpreh se Xhemi Shehut do t’i shkonte shumë emri Xhemile dhe se rolin e gagaçes në humor do ta qante. Por faqja satirike “Lolita”, në postimin e saj ka shkruar se sido që ta ketë emrin Xhemi, vijon të jetë e bukur. Sipas “Lolita-s”, Xhemi është e kundërta e Alketës, që çfarëdo të bëjë, nuk e mbush dot boshllëkun shpirtëror.
“Jo Xhemile ta ketë emrin, por edhe Xhevrie…kjo nuk ka pikë rëndësie. Xhemi është e bukur, pozitive, i qeshin edhe sytë. Nuk sforcohet, nuk serviloset, nuk i thur elozhe njerëzve të politikës. Ndërsa Alketa është antiteza e saj. E kemi parë të mahnitet nga çitjanet e Edi Ramës, të falenderojë Verën më shumë se Zotin dhe i ka kaluar kufijtë e qesharakes megjithëse s’ka drejtuar kurrë ndonjë emision humori.
As ndërhyrjet estetike, as fustanet, as klasi i revistës, as paratë nuk ia mbushin dot boshllëkun shpirtëror. Duhet të shpikë këtë luftën qesharake me Xhemin, si ajo e Stresit dhe Noizyt…për t’i dhënë kuptim jetës së saj!”, ka shkruar “Lolita”.
Discussion about this post