Joao Cancelo ka folur për transferimin e tij tek Barcelona. Portugezi është i gatshëm për debutimin këtë fundjavë me blaugranat, kur foli pas fitores së kombëtares së tij ndaj Luksemburgut, për “Sport”.
“Do të bëj gjithçka për të treguar vlerat e mira, do të përpiqem të luaj futbollin tim dhe tregoj cilësitë e mia. Trajneri më jep liri dhe kjo më pëlqen. Ndihem mirë duke luajtur brenda dhe jashtë zonës. Do të përshtatem me gjithçka që ai kërkon nga unë. Dua t’u tregoj tifozëve dhe njerëzve që besojnë tek unë. Ishte e vështirë të arrija tek Barça. Dua të arrij gjëra të mëdha me këtë klub, sepse ka qenë gjithmonë ëndrra ime dhe miqtë e mi e dinë këtë gjë”, u shpreh Cancelo.
Mbrojtësi u transferua tek Barça në formë huazimi nga skuadra e Manchester City. Sezonin e shkuar portugezi e kaloi nga janari e prapa tek ekipi i Bayern Munchen, por bavarezët nuk deshën të vazhdonin bashkëpunimin me të dhe ai u rikthye në Angli.
Discussion about this post