Senatori amerikan John Mccain ka mbërritur sot për një vizitë zyrtare në Tiranë.
Senatori amerikan ka zhvilluar një takim me kryetarin e Partisë Demokratike, Lulzim Basha në selinë blu.
Në takimin me kryeopozitarin Basha ka shkuar edhe ambasadori amerikan në Shqipëri Donald Lu.
“Kënaqësi dhe nder i veçantë takimi i sotëm me Senatorin John McCain, një mik i madh i Shqipërisë, Kosovës dhe shqiptarëve. Heroi amerikan, që ka sakrifikuar për kauzën e lirisë, ka qenë përherë një zë i fuqishëm në krah të përpjekjeve të shqiptarëve për liri, demokraci dhe integrim në botën euro-atlantike”, ka shkruar Basha pas takimit.
McCain ka nisur një tur takimesh në Ballkan, ku më herët ka zhvilluar një vizitë në Serbi dhe në Kosovë.
Ai ka zhvilluar një takim disa minuta me kryetarin e Parlamentit, Meta në selinë e Kuvendit të Shqipërisë dhe po ashtu ka takuar edhe ministren e Mbrojtjes Kodheli.
(M.D/ Shuplaka)
Discussion about this post