Kryeministri Boris Johnson pritet të drejtojë Britaninë e Madhe edhe për një mandat të dytë, pasi sipas “Exit Polleve” rezulton se ka marrë besimin e britanikëve.
Sipas një sondazhi të BBC, ITV dhe Sky News Partia Konservatore e kryeministrit Boris Johnson ka marrë 368 vende në Dhomën e Ulët.
Ndërsa Partia Laburiste e drejtuar nga Jeremy Corbyn ka arritur të marrë vetëm 191 vende apo mandat, rezultati më i dobët që nga 1935, sipas dailymail. Konservatorët sigurojnë 52 vende më shumë në Parlament, krahasuar me zgjedhjet paraardhëse, ndërsa Laburistët shkojnë në 71 vende më pak
Zgjedhjet, të parat që mbahen në dhjetor në më shumë se 100 vite, janë të tretat në pesë vitet e fundit, pas atyre të 2015 dhe 2017.
Kjo shumicë e qartë, e ndihmon Johnson të kapërcejë ngërçin parlamentar që deri më tani e ka penguar të kalojë në kuvend marrëveshjen me BE për Brexitin që skadon më 31 janar.
