Ajo që ne të gjithë e dimë është se Endri Fuga është një nga njerëzit më të afërt të Ramës dhe këshilltar i tij për mediat. Një pozicion ky mjaft i kërkuar dhe shumë kyç në komunikimin publik të qeverisë.
Po ajo që shohim ne nga CV-ja e Joleza Kokës dorëzuar pranë Komisionit të Kontrollit të Forumit Eurosocialist Europian është se ajo qe quan veten ‘Këshilltare të Ramës për mediat’.
Koka kandidon për postin e Presidentes së Forumit Rinor Socialist Europian.
Ajo e quan veten ‘Advisor’ pra këshilltare e shqipëruar. Duhet thënë se Koka mund të ketë qenë pjesë e stafit në kryeministri po në vendin tonë njihet dhe ligjërisht funksionon vetëm një këshilltar, ose më saktë Drejtor i Komunikimit në Kryeministri. Post që mbahet nga Endri Fuga.
Nuk dihet nëse kjo është një ‘truk’ që Joleza ta paraqesë veten në një post më të lartë nga sa ka mbajtur apo mund të jetë edhe ndonjë e metë e saj në përkthim.
Si duket Jolezës i ka “rrëshqitur dora” edhe te vitet si Kryetare e FRESH-it. Në këtë Cv ajo deklaron se ka qenë kryetare e FRESH-it nga 2012 deri në 2016. Por e vërteta qëndron ndryshe sepse deri në vitin 2015 në këtë post Kryetare e FRESH-it ka qenë Erisa Spiropali.
(E.K/SHUPLAKA)
[ngg_images source=”galleries” container_ids=”1428″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
