Një ngjarje e rëndë ka tronditur paraditi paraditen e sotme Durrësin, ku Ruzhdi Tosuni vrau me levë bashkëshorten e tij Hajdijen. Faxweb.al mëson detaje nga kjo ngjarje e rëndë, ku mes çiftit prej disa ditësh kishte pasur konflikte të vazhdueshme.
Pas krimit 63-vjeçari, është vetëdorëzuar në polici, dhe është shprehur se vrasjen e ka kryer për shkak të tradhtisë. Ai është shprehur: Kishte 30 vite që ma nxinte shpirtin, nuk mund të duroja dot më.
Një prej fëmijëve të çifitit, ndodhej në vendngjarje dhe dëgjohet duke ulëritur nga dhimbja e madhe e humbjes së nënës: “Jooo, dua mamin tim.”
Ndërkohë qytetarët që e kanë njohur cciftin janë shprehur të habitur me ngjarjen, duke thënë se të dy ishin njerëz të mirë dhe të qetë.
“Të dy kanë qenë shumë të mirë, nuk i njohim brenda në shtëpi, por atë që kemi parë këtu. Të dy punonin te dyqani. Të njerëz të mrekullueshëm. Thanë se ishin të ndarë, por nuk dimë gjë. Unë i njoh prej shumë vitesh”, shprehet një qytetare.
Njoftimi i policisë:
Më datë 26.02.2020, rreth orës 11:35, në lagjen Nr. 12, Durrës, shtetasi R. T., 63 vjeç, banues në lagjen Nr. 7, Durrës, në dyqanin që tregton metrazhe, dyshohet se ka vrarë me levë hekuri, bashkëshorten e tij, shtetasen H. T., 59 vjeçe, e cila ka ndërruar jetë si pasojë e plagëve të marra.
Shërbimet e Policisë kanë arrestuar në flagrancë autorin e dyshuar të ngjarjes.
Në vendngjarje ndodhet grupi hetimor, ku vijon punën për sqarimin dhe dokumentimin e ngjarjes.
Ky është krimi i dytë i rëndë në më pak se 24 orë që godet vendin, pas vrasjes së dyfishtë që ndodhi mbrëmjen e djeshme në Mirditë, ku ish-bashkëshorti vrau një 36-vjeçare dhe të vëllanë e saj, duke lënë jetime tre vajza të mitura.
(E.K/Faxweb.al)
Discussion about this post