Jozefina Topalli, e ftuar në emisionin “Të Paekspozuarit” të gazetarit Yllli Rakipi, ka deklaruar se gjithcka ka thënë në deklaratën për shtyp përkrah Arben Imamit, pasi ka marrë vesh listat e kandidatëve të PD-së, janë të vërteta.
“Në fakt unë do ta përshkruaja jo si të ashpër, nuk ka inat brenda por një të vërtetë të madhe në atë deklaratë. Është një e vërtetë për të cilën shumë njerëz e konstatonin në sjelljen e përditshme, deklaratat, veprimet dhe gjestet ndaj zotit Basha.
Kam qenë e bindur se kjo ishte e vërtetë, dhe pse më thonin se ti po e paragjykon. Se kur të thonë po paragjykon edhe stepesh të thush atë që e mendon. Mirëpo unë kam qenë e vërtetë.
Unë kam bindjen e thellë se fjala e përshtatme që përshkruan zotin Basha, është rrenë, sidomos katër vitet e fundit. E rreme është edhe Republika e re e rreme edhe çadra, e rremë kur thotë se është PD pas.
Lista e zotit Basha nuk është lista e PD dhe ju do më jepni mundësinë që ta analizojmë bashkë një gëj të tillë. Unë besoj se ju dhe njerëzit juaj, cdokush është i shokuar pasi e ka të vështirë të kuptojë se cfarë është rremë dhe çfarë e vërtetë”, tha Topalli. (D.D/Shuplaka)
