Ka nisur protesta e banorëve të Astirit të cilëve u është bashkuar edhe një grup studentësh të cilt bashkë me kreun e opozitës Lulzim Basha kanë marshuar nga Fakulteti I Inxhinierisë së Ndërtimit për tek Unaza e Re.
Banorët u shprehën se i kanë rezistuar 105 ditë diktaturës së Edi Ramës, ku falë protestave të fundit, sipas tyre, ai po numëron orët e fundit.
“Ne i kemi rezistuar plot 105 ditë diktaturës së Edi Ramës, po falë protestave të fundit ai po numëron orët e fundit..Ai sot ndodhet në Vlorë, mbase nesër ikën për Itali sepse në Shqipëri nuk ka vend”.
Gjatë fjalës tij kryetari i Partisë Demokratike, Lulzim Basha deklaroi se arroganca dhe pafytyrësia me të cilën ai sulmoi shtëpitë e banorëve të Unazës së Re tregoi se si si qevris ai.
“Përpara 105 ditë përpara popullit këtu iu duk sikur ishte ulur në gjunjë ndërkohë që ai broçkulliste dhe shante kush i dilte përpara. Por sot pas 105 ditësh bahkimi dhe rezistence shikoni fytyrat se si ndrisin të banorëve të cilët nuk lejuan që shtëpitë e tyre të shembeshin. Ni nesër do të jetë në Vlorë dhe pasnesër në azil. Nesër keni në duar fatin tuaj dhe e vendosni ju. E keqja ka zabtuar çdo cep të këtij vendi. E keqja nuk është varfëria, varfëria është pasojë, e keqja është vjedhja të cilën e zbuloi edhe Zëri i Amerikës duke vjedhur votat dhe të ardhmen tuaj. Mbetet një shtyllë që nuk bie kurrë, kjo shtyllë quhet vullneti i sovranit. Ai jeni ju dhe ju e keni në dorë të diktoni çdo ndryshim. Nesër do të jetë referendumi më i madh popullor kundër të keqes, varfërisë dhe vjedhjes. Nesër qytetarët e këtij vendi do ta rrethojnë këtë të keqe”.
Sipas Bashës, po të mos ishte protesta e banorëve të Astirit askush nuk do ti zbulonte aferat me miliona euro. Sipas tij kushtetuta dhe ligji janë në këmbë për shkak të kësaj rezistence.
https://www.facebook.com/faxweb.al/videos/381474832430918/UzpfSTIyNjI3MzgxNDQ3MjA1Nzo2MzE5MTE1NDcyNDE2MTM/
(F.GJ/FAXWEB.AL)
Discussion about this post