‘’Ju flet Manja”, kështu e nis reagimin e tij në rrjetet sociale ish-ministri i Financave në kohën e Fatos Nanos, Elmaz Sherifi. Ai ironizon me faktin sesi prokurorja e përgjithshme Arta Marku është në të njëjtën linjë me deputetin Ulsi Manja, sa i takon audiopërgjimeve të publikura nga Bild.
Manja dhe më pas Marku në vend që të merreshin me përmbajtjen e përgjimeve, kërkuan që të hetohen të gjithë ata që mund t’ia kenë dhënë materialin mediave.
Reagimi i Sherifit:
Ka krize politike ? Jooooo. Ka organ akuze ne Shqiperi ? Pooooo, se eshte prokurori i perkohshem i “pikturuar” me kerkesen e kryetarit te komisionit te ligjeve dhe e bekuar nga misionet e huaja te Reformes Zgjedhore..!
Prokurori i Perkohshem u “pikturua” me 2017, e eshte bere i pergjithshem por nuk heton,s e nuk i thone.
Ai pret urdhera dhe ja ku foli Manja ! Te hetohen hetuesit qe nxjerrin sekretin e dosjeve-tha kryetari i ligjeve. Menjehere kryetarja e perkohesheme e pergjithshme nxorri urdherin. Te denohet gazetari gjerman BILD dhe gazetaret shqiptare qe i publikojne. Kjo eshte drejtesi si paanshmeri….E garanton Manja !
Gazeta gjermane Bild bëri dje publike 6 audiopërgjime të reja, ku zyrtarë të lartë të Partisë Socialiste janë në komunikime të vazhdueshme me Astrit Avdylajn, kreun e bandës së Shijakut.
Avdylaj është regjistruar në përgjime me kreun e Bashkisë së Durrësit, Vangjush Dako, me të cilin ka një afrimitet mjaft të madh, saqë i lejojnë njëri-tjetrit dhe fjalë të tipi ‘’të du fort” ose ‘’të puth”, aspak e zakontë kjo për komunikimin me burrave shqiptarë.
Duket se Avdylaj ka qenë në dijeni të të gjitha lëvizjeve të Dakos, përfshirë edhe takimet e tij me kryeministrin Rama, madje në një moment të përgjimit ai e di me siguri se Dako ndodhet në Zvicër me numrin 1 të qeverisë shqiptare.
Po ashtu Avdylaj shfaqet në komunikime të vazhdueshme me kreun e Bashkisë së Shijakut Ardian Kokomani, si dhe me kreun e PS-së në këtë qytet, sot kandidat i socialistëve për Bashkinë, Elton Arbana. Ca më tej Avdylaj ka pasur ndikim dhe në drejtoritë e rëndësishme të të dy Bashkive, si dhe në listat për deputetë në qarkun e Durrësit në zgjedhjet e përgjithshme të vitit 2017. (lexo ketu audiopergjimet e plota)
(E.K/Faxweb.al)
Discussion about this post