Ajo është një nga këngëtaret më të ëmbla dhe më të dashura për publikun shqiptar dhe kohët e fundit ka qëndruar disi e tërhequr nga skena muzikore.
Po shumë shpejt Miriam Cani po planifikon të publikojë një projekt të ri muzikor që e ka paralajmëruar dhe në rrjetet e saj sociale.
E përveç kësaj tashmë ajo do të jetë shumë shpejt edhe në një program televiziv që pritet të fillojë së shpejti në ekranin e ‘Top Channel’,‘The Voice Kids’, shkruan “Blitz.al”.
Ky do të jetë version për fëmijë i talent show-t të famshëm dhe thuhet se Cani do të jetë një prej trajnerëve.
Këngëtarja ka qenë edhe më parë pjesë e grupi të trajnerëve në ‘The Voice of Albania’, por pritet që puna e saj të jetë edhe më e vështirë tashmë që do të ketë të bëjë me fëmijët e talentuar që do të marrin pjesë në spektakël.
(E.K/SHUPLAKA)
