“Ju kanë quajtur Saimir Shullazi”, Tahiri: Nuk kam lidhje me të, nuk më ka mbetur asnjë peng

Menjëherë pas daljes nga Prokuroria ku dëshmoi mbi kërcënimin e rektorit Mynyr Koni nga persona në emër të Emiljano Shullazit, ai dha një deklaratë për mediat lidhur me këtë rast, akuzat ndaj tij për përfshirje me Shullazin, Balilin, apo akuzat e opozitës mbi të.

I pyetur nga gazetarët se shpeshherë është cilësuar si “Saimir Shullazi”, Tahiri u shpreh se nuk ka lidhje me asnjë të, teksa theksoi se nuk i ka mbetur asnjë peng nga detyra e tij si ministër.

“Nuk më ka mbetur asnjë peng. Në kohën që unë bëja detyrën, Balili nga një drejtues institucioni u kthye në një person në kërkim.”, u shpreh ai.

Ish-ministri iu përgjigj edhe pyetjeve mbi akuzat e Partisë Demokratike, e konkretisht të Sali Berishës, duke u shprehur se këto akuza e bëjnë më të fortë atë:

“Unë jam mësuar me akuzat e Saliut dhe vetëm më bëjnë më të fortë. Unë nuk jam si Saliu që vret njerëz si në 21 janar dhe nuk paraqitet njëhere në Prokurori. E konceptoj ndryshe detyrën time dhe do luftoj deri në ditët e fundit.”

(XH.A/SHUPLAKA)