Një muaj pas hedhjes së fishekzjarreve në stadiumin e Palermos në Itali, në ndeshjen Itali-Shqipëri, FIFA ka gjobitur Federatën Shqiptare të Futbollit (FSHF) me 78.000 £.
Në ndeshjen e 24 marsit, skuadra italiane i mundi kuqezinjtë me rezultatin 2:0, mirëpo në një moment, ndeshja u pezullua për 8 minuta, kjo për shkak se tifozët shqiptarë hodhën fishekzjarre dhe flakadanë në fushë. Jo vetëm tifozët kuqezi,por edhe ata italianë kryen të njëjtin veprim dhe për këtë edhe ata u gjobitën, por me një shumë më të ulët prej 12.000 £.
Kjo është e disata herë që FSHF është gjobitur për të tilla incidente të ngjashme. Në 5 ndeshjet për kualifikimin në kupën botërore të futbollit, nuk ka shpëtuar pa gjobitur. (D.D/Shuplaka)
Discussion about this post