Mbrëmja e djeshme ka qenë shumë e tensionuar në emisionet politike. Teksa Arjan Çani është përplasur ashpër me Denis Dyrnjanë, nuk ka munguar as braktisja e emisionit nga të ftuarit, për shkak të mungesës së seriozitetit në trajtimin e temës së ditës.
Kështu, i ftuar në një lidhje me Skype nga Bostoni, analisti Ilir Demalia është larguar duke mos i kursyer akuzat ndaj drejtuesit të emisionit “360 Gradë”, Artur Zhejit.
Demalia tha:
“Unë po largohem, do ta ndërpres lidhjen me ju sepse unë nuk paguhem nga asnjë njëri si ju. Ju merrni para për tu tallur me njerëzit. Edhe ju si media jeni pjesë e kësaj politike”.
Ndërkohë para se të bëhej mbyllej emisioni, moderatori Artur Zheji i dha leje Dyrnjasë të largohet për të shmangur çdo agravim të mundshëm të situatës, ashtu siç ndodhi gjatë transmetimit direkt.
Video/ Plas sherri mes gazetarëve, Çani: Je debil! Dyrnjaja: Kur jepja unë lajme, ti haje patate
(M.Q/Faxweb)
