“Ju që jetoni në zemër të Evropës”, Linda Rama reagon për negociatat: E keni të pamundur ta kuptoni

Bashkëshortja e kryeministrit të vendit, Linda rama ka reaguar pas përgjigjes negative të Bashkimit Europian për hapjen e negociatave duke e përdorur jo fjalët e veta, por të një shkrimtari.

Ajo  ka zgjedhur të citojë fjalë e Ismail Kadarsë të shprehura në vitin 1996 ku shprehet se shqiptarët e kanë humbur dy herë Europën, ndërsa jetojnë me ankthin e humbjes së Evropës për herë të tretë

“Shqiptarët kanë humbur dy herë Evropën: në shekullin XV dhe kur iu nënshtruan sundimit komunist. Sot, shqiptarët jetojnë me ankthin e humbjes së Evropës për herë të tretë. Për ju që jetoni në zemër të Evropës një ankth i tillë është i pamundur të kuptohet.

Kur ju dëgjoni emrin “shqiptar” ndoshta padashur, gjëja e parë që iu vjen ndër mend është imazhi tronditës i mijëra njerëzve që kacavirren me litarë në anije. Të jeni të sigurt se për ata njerëz, ato anije ishin Evropa. #kadare #1996 “, shkruan znj Rama

(F.GJ/FAXWEB.AL)