Në një kohë që nga listat e PD-së dhe të LSI-së vijojnë rrjedhjet e kandidatëve që pranojnë mandatin e deputetit, ka dhe nga ata që e shprehin qartë se në Kuvendin e tanishëm nuk ja vlen të merret pjesë.
Një prej tyre është dhe mjeku Petrit Vargu, i cili ka refuzuar që të marrë mandatin e deputetit nga radhët e LSI-së në Tiranë.
“Te nderuar miq! Shume njerez me pyesin nese do te shkoj ne parlament apo jo? Natyrisht me “pro “dhe “kunder” sipas bindjeve politike qe kane. Vendimi im i lire eshte te jem gjithmone miku juaj, duke e refuzuar hyrjen time ne kete lloj parlamenti. Ju respektoj te gjitheve”, shkruan Vargu në reagimin e tij në rrjetet sociale.
Kujtojmë se Vargu ishte renditur i 14-ti në listën e LSI-së për Tiranën. Derimë tani në Kuvend numërohen 20 deputetë nga opozita e re, së bashku me Rudina Hajdarin, Myslym Murrizin dhe Lefter Kokën, që nuk e dorëzuan që prej fillimit mandatin e tyre.
Sot në Kuvend nga ana tjetër do të marrin mandatin dhe tre ‘’tradhëtarë” nga listat e PD-së dhe LSI-së: Adriatik Alimadhi, që është kreu i Ballit Kombëtar, dhe njëherësh aleat i Bashës, Arben Elezi që do të marrë mandatin e Edmond Spahos në qarkun e Elbasanit, dhe Ambra Borova e LSI-së, që do të marrë vendin e lënë në Kuvend nga Agron Çela në Shkodër.
(E.K/FAXWEB.AL)
Discussion about this post