Ju shembën shtëpitë gjatë përmbytjeve, Bashkia Këlcyrë ngre grupe për vlerësimin e dëmeve (VIDEO)

Bashkia Këlcyrë ka konstatuar 4 familje të cilat janë prekur dhe i janë bërë dëme materiale nga reshjet e shiut gjatë këtyre ditëve.

Një prej banesave ka probleme serioze pasi i është rrëzuar çatia ndërsa tre të tjerat kanë probleme me rrëshkitjen e dheut. Për familjen Manellari e cila është edhe me problematikja. Përfaqësuesi i emergjencave civile në këtë bashki Ali Lile ka pohuar se do t’i sigurojnë një banesë me qera derisa të mblidhet këshilli bashkiak dhe të marrin një vendim.

 I pyetur nga Fax Neës për dëmet që kanë shkaktuar reshjet e shiut, Lile u shpreh se perveç banesave Këlcyra ka patur edhe probleme në bllokimin e rrugëve rurale si pasojë e shkarjeve të dheut si dhe janë përmbytyr rreth 81 hektarë. Grupet e verifikimit janë në terren dhe po vëzhgojne situatën , më vonë do të bëhet edhe vlerësimi për çdo familje që është prekur nga kjo fatkeqësi natyrore. (F.M/Faxweb)

https://www.youtube.com/watch?v=AvGoSe7_IRM&feature=youtu.be