Aktivisiti dhe aktori Julian Deda ditën e sotme i ka mbështetur protestuesit e Zharrzës të cilët janë nisur në këmbë drejt Tiranës për të gjetur një zgjidhje për problemin e tyre.
Për pak minuta Julian Deda ka ecur në këmbë me këta protestues dhe është shprehur se këta i ka futur halli në gevë dhe nuk kanë asnjë arsye politikë që po nisen drejt Tiranës. Por më tej aktivisiti ka treguar ka të bëjë me shtëpitë, ka të bëjë më familjet, ka të bëjë më fëmijët e tyre, më shëndetin e tyre.
“Përshëndetje. Jemi “live” nga kilometri 10,55, mes këtyre, me banorët e Zharrzës të cilët janë nisur drejt Tiranës, për asgjë më shumë, për asnjë arsye politike . Pra halli i futi në grevë urie. Halli i nisi në këmbë drejt Tiranës për të kërkuar të drejtat e tyre, e cila është një e drejtë, mëse njerëzore. Ka të bëjë me shtepitë, ka të bëjë më familjet, ka të bëjë më fëmijët e tyre, më shëndetin e tyre. Ja ku janë të gjithë duke ecur. Unë jam këtu për t’i mbështetur me gjithë mundësitë që kanë që ata t’ja dalin dhe të realizojnë qëllimet dhe kërkësat e tyre. Ja ku janë të gjithë, janë nisur drejt Tiranës në këmbë, të lodhur sigurisht, pa diskutim, mbas një greve urie të gjatë dhe detyrohen të përballojnë edhe këtë ecje në shenjë proteste, qëndrese për t’ja arritur qëllimit. Jam këtu me Qaniun që është kryetari i grevës.”, shprehet Deda.
Në këtë video të pulikuar nga vetë aktivisit flet edhe Qaniu, kryetari i grevës.
“Mbas 19 ditë ngujimi. Kemi marrë një nismë shumë të vështirë për neve për të marrë këtë udhëtim në kushte të rrezikshme, në rrugën ku po udhëtojmë. Mbrëmë ne kemi përjetuar orët e ftohta të natës, pothuajse nuk kemi fjetur. Ky marshimi jonë do të shkojë drejt Tiranës. Do shkojmë drejt Tiranës ndërkohë kur kryetari i grupit ndërministror Niko Peleshi që na u servir nga kryeministri erdhi në Fier, piu kafe me Subashin dhe nuk erdhi. Ishte i ngarkuari direkt për problemin tonë. Në të njëjtën orë, paftyrësia tjetër e zëvëndës ministrtit vjen në Patos, bën takim të mbyllur me njerëz të lidhur me pushtetin, të punësuar dhe flet në emrin tonë me një deklaratë të turpshme. Kemi fakte tornditëse, kërkojmë të hetohemi nga organizatat ndërkombëtare ose të pavaruar ose nga shteti, se shteti po na vret dhe na gjykon”, tha Qaniu. (J.V/Shuplaka)
