Julian Deda shpërthen ashpër kundër Drejtorit të Teatrit: Guxon të fyejë Robert Ndrenikën, palaço i vërtetë!

Aktori i njohur i humorit Julian Deda, ka shpërthyer ashpër kundër drejtorit të Teatrit Kombëtar Hervin Çuli, pasi ky i fundit ka ofenduar aktorin e madh Robert Ndrenika.

Nëpërmjet një postimi në Facebook, Çuli u shpreh ashpër kundër një aktori nga Fushë Kruja i cili foli në protestën e opozitës.

“I pari në protest foli një aktor (kështu u prezantua nga Fushë Kruja). Nëse e njeh njeri të më japë ndonjë koordinatë se gjynah i shkreti duhet sqaruar, pasi shumë gjëra për teatrin (shante para mbrapa) deri në Fushë Krujë mund edhe të mos kenë mbërritur. Ta marrë djalli, edhe këtë aktorin nga Fushë Kruja kishim mangut.”, shkruan Çuli.

Por, ky postim i është dukur i tepruar Ndrenikës i cili ka komentuar: Që kur ka filluar të bëjë ham ham drejtori?!

Një koment ka mjaftuar dhe Çuli ka nisur fyerjet ndaj aktorit të madh Ndrenika. “Qëkur niveli yt ikonë zbriti këtu ku je…”, ishte kundërpërgjigja e Çulit.

Ky reagim i drejtorit të Teatrit i është dukur skandal aktorit Julian Deda, i cili i ka dalë në mbrojtje Ndrenikës dhe aktorit nga Fushë Kruja.

Ai ka renditur tre arsye se pse kjo sjellje e Çulit është treguar racist dhe për më tepër ka shkelur mbi kolegët.

“Hervin Çuli eshte treguar nje palaço i vertete duke vene ne diskutim nivelin profesional dhe njerezor te prof. Robert Ndrenikes. Turp i madh.”, shkruan Deda.

REAGIMI I PLOTË I JULIAN DEDËS

SKANDAL

Drejtori i teatrit kombetar ka nxjerre ne pah racizmin dhe palaçollekut e tij personal, duke treguar edhe nje here servilizmin e tij ne shkalle siperore dhe duke shkelur keshtu mbi koleget dhe parimet profesionale.

1. Hervin Çuli eshte treguar i pamoralshem duke ironizuar protesten e opozites, gje te cilen ai e bente vete dikur, deri sa u be ure dhe e mori ate cope magazine.
2. Hervin Çuli eshte treguar racist. Ai ka perçmuar profesionalisht aktorin, qe shprehu mendimin e tij ne proteste, por kjo nuk eshte me e keqja. Me e renda eshte se ky drejtor, flet me nje perbuzje te dukshme per qytetin te Fushe Krujes, vend nga i cili eshte edhe prejardhja e aktorit, duke perçmuar çdo qytetar qe jeton ne ate zone, qe sipas mendimit te tij qenkan injorante dhe s’merrkan vesh.
3. Hervin Çuli eshte treguar nje palaço i vertete duke vene ne diskutim nivelin profesional dhe njerezor te prof. Robert Ndrenikes. Turp i madh.P.s. Nuk pres ndonje reagim nga aktoret/regjisoret servile, qe i lepihen lepiresit 24/7, por nga ata artiste qe i ka mbetur sado pak shtylle kurrizore e pacenuar, pres qe ta denojne kete individ, i cili nuk perfaqeson askend perveç vetes se tij dhe sistemit ku ai operon. (D.D/Shuplaka)