Julian Deda thirrje Bashës: Dil nga zyra, trego përgjegjësinë e liderit, shko sot në Shkozë që njerëzit të të besojnë nesër

Julian Deda edhe pse pa përmendur emra i ka bërë thirrje Lulzim Bashës që të dalë nga zyra dhe të përballet me problemet reale të qytetarëve në terren.

Duke iu referuar rastit të Shkozës, Deda një nga kundërshtarët e Bashës në PD, i kujton liderit demokrat se njerëzve mbështetja u jepet nga afër.

“Dil nga zyra dhe shko fizikisht në Shkozë. Shko jepu mbështetje personale atyre njerëzve, që janë në qiell te hapur. Shko vete, jepi zemër aty ku është problemi njerezve, që kanë ose mendojne shprese tek ti, jo nga fb dhe jo me gojen e lektoreve. Shko vete aty, ku do qofte vendi, per te treguar pergjegjesine e liderit, qe nuk i braktis njerezit perpara arrogances se fadromes. Shko vete sot, qe njerezit te te besojne neser”, shkruan Deda.

Basha përmes një njoftimi për mediat pak orë më parë ka kërkuar që banorët të dëgjohen dhe të ndalet shembja. Nga ana tjetër fizikisht deri më tani në Shkozë është paraqitur vetëm deputetja demokrate Grida Duma.

(E.K/SHUPLAKA)