Aktori dhe humoristi Julian Deda ka reaguar pak minuta më parë për situatën e krijuar mbrëmjen e djeshme në stadiumin italian ku luhej ndeshja Itali-Shqipëri.
Ai vlerëson reagimin e menjëhershëm për tymueset që shkaktuan ndërprerjen e ndeshjes, ndërkohë që për analogji sjell në vëmendje situatën në vendin tonë.
Julian Deda shpreh shqetësimin se prej katër vitesh, shqiptarëve u është dashur të durojnë tymuesen e frikshme të rilindjes të hedhur prej katër vitesh, që mjegullon të ardhmen, që irriton lëkurën, që shkakton kollë, por megjithatë nuk ka pasur asnjë reagim me të njëjtin zell si për atë që ndodhi dje në stadium.
Reagimi i Julian Dedës:
U hodhen dy tymuese te vogla ne stadium, qe detyruan te largoheshin nga fusha 23 veta dhe me shume te drejte plasen reagimet ne facebook. Ishte vertete turp.
Nderkohe, rilindja ka 4 vjet qe ka hedhur nje tymuese te frikshme, nga e cila po na djegin syte, na mjegullohet e ardhmja, me zor marrim fryme, shkakton kolle, te irriton lekuren, duke e bere kete vend te pajetueshem dhe duke detyruar qindra-mijera njerez te largohen nga vendlindja dhe akoma asnje reagim me te njejtin zell me ate te stadiumit.
(XH.A/SHUPLAKA)
